Tuesday, September 10, 2013

പ്രണയ കാലത്ത് കൊഴിഞ്ഞുപോയ രണ്ടിലകൾ

ഭൂമിതൻ നെറുകയിൽ ഒരുനാൾ 
ഒരു മരത്തിൻറെ ശാഖയിൽ 
രണ്ടിലകൾ തളിർത്തുയർന്നു.
തളിർത്തനാൾ തൊട്ടേ പ്രണയം കാർന്നിവ-
രുടെ മനവും തഴച്ചു പൊങ്ങി. 

ഓരോ ഋതുക്കളും ഇവരുടെ 
പ്രണയത്തെ പുൽകി കടന്നുപോയി.
പ്രണയ സങ്കൽപ്പങ്ങൾ,വിചാരങ്ങൾ,വികാരങ്ങൾ,വിങ്ങലുകൾ 
ഇവയേതുമേ ഇരുവരും അറിഞ്ഞതില്ല.

ഒരുനാൾ രണ്ടുപേർ മഴുവുമേന്തി 
ഇവരുടെ ശാഖതൻ അരികിലെത്തി 
പ്രണയം കണ്ടാലും കാണാത്ത അന്ധന്മാറി-
രുവരും മഴുവുകൾ ഓരോന്നായി ഉയർത്തിത്താഴ്ത്തി.

ചിറകറ്റ പ്രണയം തകർന്നൊരാ നാളിന്റെ 
ഏതോ നിഗൂഡമാം യാമത്തിൽ 
ഇവർ രണ്ടിലകൾ ,പ്രണയങ്ങൾ 
ഭൂമിയിൽ കൊഴിഞ്ഞു വീണു.