തുടക്കം

കിഴക്കിന്റെ പാത എവിടെ തുടങ്ങുന്നു 

തുടിക്കുന്ന താളം എവിടെ തുടങ്ങുന്നു.

മഴവില്ലുചാര്‍ത്തി മിനുസപ്പെടുത്തിയ 

വാനിന്റെ ശോഭ എവിടെ തുടങ്ങുന്നു.

ബുദ്ധനും ക്രിസ്തുവും ഊന്നിപ്പറഞ്ഞൊരാ-

തത്ത്വ  സംഹിതകള്‍ എവിടെ തുടങ്ങുന്നു.

 ദേശാടന പക്ഷികള്‍ കണ്ടുപിടിച്ചൊരാ-

ദേശാടന പാത എവിടെ തുടങ്ങുന്നു.

വില്ലുകുലച്ചു നടന്നൊരാ വേടന്റെ 

കര്‍മ്മ പാപത്തിന്‍ ഫലം എവിടെ തുടങ്ങുന്നു.

കാഷായ വേഷം ധരിച്ചൊരാ മുനിയുടെ 

മുജ്ജന്മ്മത്തിന്‍ കഥ എവിടെ തുടങ്ങുന്നു.

വിപ്ലവം ചീന്തിപ്പുറത്തുവിട്ടൊരാ-

രക്തത്തിന്‍ ഗന്ധം എവിടെ തുടങ്ങുന്നു.

ഒടുക്കമെന്നൊന്നില്ല അവയൊക്കെയും 

ഭാവിയില്‍ തുടരാന്‍ തുടിക്കുന്ന 

തുടക്കത്തിന്‍ ബീജങ്ങളാണത്രെ 

ഉല്‍പ്പത്തിതന്‍ ഗിരിശ്രിങ്കങ്ങളാണത്രെ.